讓理財成為實現夢想的最簡單一步

理財理到焦慮？你要處理既唔係開銷，係『有毒的金錢關係』

每筆存款，都係對未來的期待

有效理財，讓每個人無憂追逐夢想，創造未來

About Me

「00後整頓職場，90後整頓市場」

我係一個90後女生，理科出身，由教育界轉戰保險業。

喺保險行業入面十幾年，我見過好多人生故事：有人投資輸到要借錢渡日、有人一生奉獻信仰從不理財、有人借錢找醫藥費還minpay爭啲要賣樓最後成功理債翻身、亦有人因無取消保單最終靠保險賠左百幾萬。

呢啲故事令我感受到，理財唔係純粹數字遊戲，而係影響你每一個人生階段有幾多選擇權。

我希望用我嘅專業同真心，陪你走過每一步，無論你面對咩困難，我都想幫你搵到最適合嘅解決方案，讓你嘅人生更安心、更自主。

我嘅理念

我夠膽話自己同90%其他Agent唔一樣。點解？因為90%Agent都係想你畀錢買保單，但如果你既需求唔係保單可以解決，我甚至會叫你袋番好啲錢。

我嘅目標係幫你「知己知彼」，做你理財路上既Google Map，清晰自己喺邊，目的地係邊。

無論係儲錢與否、投資與否，都同你一齊搵到最啱你嘅路，唔駛行冤枉路！

為你每一筆數字賦予意義

理財唔係買「理財計劃」，
係令你搵到最適合嘅人生選項！

我點樣陪你前行？

每個人嘅人生都係獨一無二嘅，理財方案亦都應該係量身訂造。我會積極聆聽你嘅需要同夢想，無論你係想進修學習新技能、環遊世界、提早退休，定係想唔駛返工陪伴家人，我都會同你一齊細心分析，理解你既需要。

我唔會催促你做決定，只會陪你一步步釐清目標，幫你喺複雜嘅選擇入面搵到安心。

我明白，講到錢有時會令人感到壓力同迷惘。我希望用同理心，幫你將複雜嘅理財問題變得簡單同清晰。

我唔在乎你最終係唔係同我買保險，我只在乎你能帶著信心同希望，向未來邁進無後顧之憂既一步。

為此，我寫左一本書同你分享關於理財既概念同故事，希望畀到啲啟發你。

我嘅第二本書：孤兒單自救手冊

我見過太多保單因為無人跟進，變成「孤兒單」

據我觀察，99%嘅保單最終都會變成孤兒單。
呢個唔係冷冰冰嘅統計數字，而係一個個客戶嘅徬徨同無奈。

喺我遞信離開舊公司前，已提早幾個月至一年通知客人交代去向及準備FAQ，以免客人突然收到公司信話我離職令佢彷徨不安，但都試過有人因為驚打擾我，只能自己摸索理賠，我個心真係好難受。

我知道好多客戶為左保單「搵個人跟」，結果跌入不良銷售嘅焦慮同陷阱。呢啲經歷讓我下定決心要寫一本《孤兒單自救手冊》，畀大家自學保險知識，自己管理同保護自己嘅保單，唔使再完全依賴銷售人員。

我希望透過呢本書，幫到曾經同我合作過嘅客戶，亦幫到更多有需要嘅人，畀佢哋喺理財路上有更多自主同安心。

我嘅下一步：保險亂象白皮書

喺保險業打滾多年，我見過最明顯嘅係：鐵打般嘅保單，流水般嘅Agent。

一份保單隨隨便便都要保障二十年，取消同轉換嘅成本極之高。但係，當年賣單俾你嗰位Agent呢？好可能早已消失得無影無蹤。

一個Agent嘅生產力，同佢嘅出身背景息息相關。上流家庭，淨係靠熟人單都做唔停手；中產都有佢哋買得起單嘅圈子。但對於冇人脈、冇資源嘅基層Agent，除非搵到可以複製嘅系統，否則總會做到乾溏，最終被淘汰離場。

所以，我決定寫低一切。

我寫呢本《保險黑幕白皮書》，唔係想唱衰個行業，而係想幫你攞返自主權。我想拆解入面嘅遊戲規則，等你明白，點解你嘅Agent會成日轉？點解成日叫你「斷舊買新」？點解份單嘅回報永遠同當初講嘅有出入？

我希望透過呢本書，幫到曾經信賴過我嘅客戶，亦幫到更多有需要嘅人。我哋可能無法改變個遊戲，但至少，我哋可以學會點樣喺呢個遊戲裡面，自己保護自己。

因為真正嘅保障，唔應該建立喺任何一個會消失嘅Agent身上，而應該建立喺你自己嘅知識同判斷之中。

如果你認識一啲有良心，但未必有心力喺呢個市場「捲生捲死」嘅親友做緊Agent，不妨分享呢本書畀佢。等佢知道，佢嘅掙扎同痛苦，並唔係孤單一人。

我嘅承諾

喺我眼中，理財係一場同你一齊成長嘅旅程。我唔係想賣一張兩張保單俾你收完錢就走，而是希望成為你嘅旅伴，幫你將夢想同現實連繫起來。

我會用最大嘅真誠同專業，助你明白每一個選擇背後嘅意義，確保你嘅決定能夠為自己同家人未雨綢繆；幫你搵出最適合嘅方向，等你嘅人生旅程可以走得更順暢、更安心。無論你喺人生嘅邊一個階段，我都希望可以喺你身邊，陪你一齊實現你嘅夢想。

咨詢過的朋友怎麼說？

不要只聽我講的，也聽聽別人的聲音

M小姐，美容業

“我依家都唔少客仔同你同行。但！係！我真係未見過有個agent好似你咁！😂

我仲好記得之前你約我出嚟解釋咗成粒幾鐘，令我呢個零知識嘅人知自己需要啲咩同有咩啱我。

仲要過程真心覺得你似教我上堂，完全唔會覺得有hand sell嘅情況，甚至覺得你佛到無打算開單🤣而且好細心會幫我分析埋咩應該買同唔買，有啲咩唔洗買咁多🥺✨

雖然最後開唔成，但係真係令我印象深刻到依家😳所以一有朋友問起保險嘢我都會掉你上檯🤣🤣🤣

同埋之前搵你做野都好快手！💖
良心到極點又有效率🙏🏻" 

P小姐，服務業

“作為一個間歇性失憶嘅金魚，阿Rain簡直係良心首選👍🏻

阿Rain喺佢嘅服務專業上跟得好足，而且好多野都寫得好清晰，有唔明白嘅地方喺佢on duty嘅時間裡面都會細心解釋同提供協助。

之前我因病要做檢查，佢時間配合到直情抽空陪我見醫生、做檢查，呢點係我之前嘅A準都做唔到。

呢七年我都好放心將我生活大小事宜搵佢幫手❤️由其係月光族最緊要嘅退休金😌

佢on duty時間係10-22，2200之後只談風月呢種work-life balance嘅態度我個人都幾欣賞（當然Urgent事件例外啦）"

C小姐，文職

“覺得唔會hard sell呢點好好！·同埋你會case by case咁俾建議好貼心，雖然我距離成功找完卡數仲有一段距離，但係你俾嘅建議真係幫咗我好多，亦都令我冷靜咗好多”

M小姐，展覽

“Rain Ho 萬事通，喺我心目中只有困難佢就會幫忙解決，佢係一個樂於助人嘅朋友。冇錯，同佢之間嘅連接慢慢就唔止係理財顧問同客人嘅關係，因為佢係真心關懷大家，同顧客嘅關係好親密。佢嘅人脈關係很廣，所以即使唔係佢原本擅長嘅都可以幫到手。同埋有時有啲朋友有難以啟齒嘅問題，佢都唔介意做中介人去幫忙尋求協助。非常幫得手。”